राजनीतिक संरक्षण पाएका सुन तस्करहरू मालामाल छन् : मुख्यमन्त्री राउत

 

काठमाडौँ । प्रदेश नं २ का मुख्यमन्त्री मोहम्मद लालबाबु राउतले नीति निर्माण तहमा पुगेका व्यक्तिहरूको नियत ठीक नभएका कारण व्यापारीहरूले सोचे जस्तो आर्थिक उन्नति हासिल गर्न नसकेको बताएका छन् । 

नेपाल सुनचाँदी रत्न तथा आभूषण महासंघले आज आयोजना गरेको निर्यात प्रबद्र्धन तथा आयात प्रतिस्थापनमा आभूषण क्षेत्रको योगदान, संभावना तथा उपाय विषयको राष्टिय सम्मेलनमा मुख्यमन्त्री राउतले बाउबाजेको श्रीसम्पत्तिबाट सुनचाँदी तथा आभूषण र रत्नको कारोबार गर्दै आएका व्यवसायीले लाखौं मानिसलाई रोजगारी प्रदान गर्दै आएको बताए । 

मुख्यमन्त्री राउतले थपे, ‘राजनीतिक संरक्षण पाएका सुन तस्करहरू मालामाल छन् । तर बाउबाजेको श्रीसम्पत्ति लगानी गरी व्यवसाय सञ्चालन गर्दै आएका सुन व्यवसायी दुःखी जीवन बिताउँदै छन् ।’ 

 

प्रदेश नंं १ का मख्यमन्त्री शेरधन राईले नयाँ जगमा देश उभिसकेकाले अब विकासको कामले गति पाउने र जनताको आकाँंक्षा छिट्टै पूरा हुने बताए । 

नेपालमा भएका रत्न तथा पत्थर खानीको अन्वेषण गर्नुपर्ने उनको सुझाव थियो । 

 

प्रदेश नं ७ का मुख्यमन्त्री त्रिलोचन भट्टले वर्तमान सरकार नयाँ सोच र चिन्तनका साथ अघि बढिसकेकाले देश समृद्ध हुने र देशभित्र लगानी बढ्दै जाने बताए । 

Comments